ការគេងគ្រប់គ្រាន់ ៧ទៅ៨ម៉ោង ពិតជាមានសារៈសំខាន់ណាស់ ក្នុងការជួយអោយរាងកាយមានសុខភាពល្អ។ ផ្ទុយទៅវិញ បើសិនការគេងរបស់អ្នកពុំមានគុណភាព ឬគេងមិនគ្រប់គ្រាន់ទេនោះ វាធ្វើអោយរាងកាយខ្សោយ អស់កំលាំង និងអាចជះផលអាក្រក់ដល់សុខភាព។ ប្រសិនបើអ្នកគេង ភ្ញាក់ដឹងខ្លួននៅម៉ោង ១ ឬ ម៉ោង៣យប់  វាអាចជាសញ្ញាបញ្ជាក់ថា ថ្លើមរបស់លោកអ្នកកំពុងចុះខ្សោយ។

ម៉ោង១ទាបភ្លឺ 
ប្រហែលម៉ោង ១ទាបភ្លឺ គឺជាពេលដែលថ្លើមបញ្ចេញជាតិពុលចេញពីរាងកាយ។ ប្រសិនបើអ្នកឧស្សាហ៍ភ្ញាក់នៅពេលនេះ ទំនងជាថ្លើមកំពុងមានជាតិពុលច្រើនដែលត្រូវកំចាត់ ។ ចូរពិសារទឹកឱ្យបានច្រើន និងកាត់បន្ថយជាតិអាល់កុល និងភេសជ្ជៈដែលមានជាតិកាហ្វេអ៊ីន និងត្រូវរក្សារបបអាហារបែបវិទ្យាសាស្ត្រសម្រាប់ថ្លើមដែលមានសុខភាពល្អ។

ម៉ោង ៣ទាបភ្លឺ
ប្រហែលជាម៉ោង ៣ ទាបភ្លឺ ក៏ជាពេលដែលថ្លើមសកម្ម។ ប្រសិនបើថ្លើមរបស់អ្នកបរាជ័យ ការគេងរបស់អ្នកនឹងរងផលប៉ះពាល់។ ការភ្ញាក់ពីដំណេកជាប្រចាំក្នុងរយៈពេលនេះ អាចបណ្ដាលមកពីថ្លើមផ្ទុកលើសទម្ងន់ រំខានដល់ដំណេក ធ្វើឱ្យអ្នកគេងមិនលក់។
លើសពីនេះទៅទៀត អ្នកដែលមានថ្លើមខ្សោយ តែងតែមានរោគសញ្ញាផ្សេងៗគ្នានៅពេលយប់។ ប្រសិនបើអ្នកកំពុងជួបប្រទះបាតុភូតនេះ យកល្អគួរតែទៅពិនិត្យសុខភាព ដើម្បីរកមូលហេតុ និងរកវិធីដោះស្រាយ។

ប្រសិនបើអ្នកចាប់ផ្តើមរមាស់នៅពេលយប់ វាអាចជាសញ្ញានៃជំងឺថ្លើម។ ការងារមួយរបស់ថ្លើម គឺបំបែក និងបញ្ចេញសារធាតុក្នុងខ្លួនដោយមិនចាំបាច់មានទឹកប្រមាត់។ ប្រសិនបើថ្លើមមិនអាចធ្វើដូច្នេះបាន ស្បែកនឹងប្រឹងប្រែងកម្ចាត់ជាតិពុល ដែលធ្វើអោយរមាស់នៅលើស្បែកនៅពេលយប់។ 

ជាការពិតណាស់ មិនមែនគ្រប់គ្នាដែលមានជំងឺថ្លើមជួបប្រទះការរមាស់នោះទេ ហើយការរមាស់មិនមែនជារោគសញ្ញាតែមួយគត់នៃជំងឺថ្លើមនោះទេ។ ប្រសិនបើអ្នកឃើញស្បែក ឬភ្នែកពណ៌លឿង អមដោយរមាស់ ចូរទៅជួបគ្រូពេទ្យជាបន្ទាន់។ រោគសញ្ញានៃជំងឺថ្លើមរួមមាន ហូរឈាម ជាំ ហើមពោះ ឈឺពោះ បាត់បង់ចំណង់អាហារ ចង្អោរ លាមកខ្មៅ និងទឹកនោមក្រម៉ៅ ៕

សូមជួយចែករំលែកប្រសិនអ្នកពេញចិត្ត !!!