ជាមួយគ្នានេះដែរ​ក្រុមការងារយើងនឹងធ្វើការលើកយករោគសញ្ញាបង្ហាញថាអ្នកអាចប្រឈមនឹងកើតជំងឺទឹកនោមផ្អែមប្រភេទទី២ និងជំងឺលើសឈាម ដែលអ្នកត្រូវតែប្រយ័ត្ន ។

រោគសញ្ញជំងឺលើសសម្ពាធឈាម៖

• ឈឺក្បាលធ្ងន់ធ្ងរ ឈឺ​ទ្រូង វិលមុខ

• ពិបាកដកដង្ហើម ចង្អោរ ក្អួត

• ការមើលដោយភ្នែករបស់អ្នកព្រិលៗ​ 

• ការថប់បារម្ភ ភាពច្របូកច្របល់

• ឈាមច្រមុះ

• ចង្វាក់បេះដូងមិនធម្មតា។

រោគសញ្ញាជំងឺទឹកនោមផ្អែមប្រភេទទី២៖

១. នោមញឹកញាប់ នៅពេលដែលកម្រិតជាតិស្ករក្នុងឈាមឡើងខ្ពស់តម្រងនោមព្យាយាមយកជាតិស្ករដែលលើសចេញដោយច្រោះវាចេញពីឈាម ខណៈច្រោះរួច វាមិនរក្សាទុកទេ វាបញ្ចេញសារធាតុទាំងនោះតាមរយៈទឹកនោម​។ នេះអាចនាំឱ្យមនុស្សម្នាក់ត្រូវការបត់ជើងតូចញឹកញាប់ជាពិសេសនៅពេលយប់តែម្ដង។

២. ស្រេកទឹកញឹកញាប់ ការនោមញឹកញាប់ដែលចាំបាច់ដើម្បីយកជាតិស្ករលើសពីក្នុងឈាមអាចបណ្តាលឱ្យរាងកាយទ្រុឌទ្រោមដោយសារបាត់បង់ជាតិទឹកច្រើន ។ ​បញ្ហានេះយូរ ៗ ទៅអាចបណ្តាលឱ្យខ្វះជាតិទឹកនិងនាំឱ្យមានអារម្មណ៍ស្រេកទឹកច្រើនជាងធម្មតា។

៣. មានអារម្មណ៍ឃ្លានជានិច្ច 

អ្នកដែលមានរោគសញ្ញាជំងឺទឹកនោមផ្អែមភាគច្រើន តែងមិនមានថាមពលគ្រប់គ្រាន់ពីអាហារដែលពួកគេញ៉ាំឡើយ។ ដោយសារប្រព័ន្ធរំលាយអាហារបំបែកអាហារទៅជាស្ករធម្មតាហៅថាគ្លុយកូសដែលរាងកាយប្រើជាថាមពល។ ចំពោះអ្នកដែលមានជំងឺទឹកនោមផ្អែមបរិមាណស្ករគ្លុយកូសមិនគ្រប់គ្រាន់នឹងផ្លាស់ប្តូរពីចរន្តឈាមទៅក្នុងកោសិកានៃរាងកាយទេ។

៤.ស្នាមរបួសជាសះស្បើយយឺត កម្រិតជាតិស្ករខ្ពស់នៅក្នុងឈាមអាចធ្វើឱ្យខូចខាតដល់សសៃប្រសាទនិងសសៃឈាម

ដែលធ្វើឱ្យប៉ះពាល់ដល់ចរន្តឈាម។ ជាលទ្ធផលការមុតនិងស្នាមរបួសតូចៗអាចត្រូវការពេលច្រើនសប្តាហ៍ឬច្រើនខែដើម្បីជាសះស្បើយ។ ការព្យាបាលមុខរបួសយឺតក៏បង្កើនហានិភ័យនៃការឆ្លងមេរោគផងដែរ។

ជាចុងក្រោយបើសិនអ្នកមានអាការះដូចខាងលើ កុំគិតតែឯង គួរប្រញាប់ទៅជួបពេទ្យជំនាញឱ្យបានលឿន ដើម្បីទទួលបានការពិនិត្យត្រឹមត្រូវ ដើម្បីដឹងលទ្ធផលពិត ។ បើមិនកើតជំងឺនេះក៏ល្អ តែបើកើតក៏យើងអាចដឹងទាន់ពេលនឹងព្យាបាលបានទាន់ពេលគ្រោះថ្នាក់ទាប។