មូលហេតុ៖

1. ការពុលអាហារ៖ កើតមានឡើងនៅពេលដែលយើងទទួលទានអាហារមិនមានអនាម័យដែលអាចបង្ករឲ្យមានការប៉ះពាល់ឬមានការបង្កររោគដល់ក្រពះ ហើយ​ការបង្កររោគនេះភាគច្រើនបង្ករឲ្យទៅជារាគ។

2. ការវិលមុខឬការពុលនឹងយានយន្តដូចជា ឡាន, ទូកកប៉ាល់, យន្តហោះ៖  នេះភាគច្រើនទាក់ទងនឹងការធ្វើចលនានៅពេលយើងជិះយានយន្តទាំងនេះហើយពេលខ្លះវាកើតមានឡើងដោយសារតែមានអ្វីមួយរំខាននៅក្នុងត្រចៀកដែលធ្វើឲ្យមានការប៉ះពាល់មជ្ឈមណ្ឌលរក្សារលំនឹងនៃរាងកាយយើងធ្វើឲ្យធីងធោងរួចចង់ក្អួតតែម្តង

3. ការប្រើប្រាស់ថ្នាំ៖ មានថ្នាំមូយចំនួនអាចធ្វើឲ្យចង់រកក្អួតដូចជា៖ ថ្នាំសំរួលអារម្មណ៍,  ថ្នាំផ្សះ, វីតាមីន, ថ្នាំពន្យាកំណើត,​ ថ្នាំបំបាត់ការឈឺចាប់ជាដើម

4. ស្ត្រីមានផ្ទៃពោះ៖  ស្ត្រីដែលមានផ្ទៃពោះភាគច្រើនគឺងាយនឹងមានអាការៈចង់ក្អួតឬក្អួតតែម្តង  ( ចាញ់កូន)

5. មានបញ្ហាជាមួយក្រពះឬ ពោះវៀន៖   ចំពោះអ្នកជំងឺមួយចំនួនដែលមានបញ្ហាក្រពះពោះវៀនគឺធ្វើឲ្យចលនាអាហាររត់អត់បានល្អដែលងាយអាចធ្វើឲ្យទល់លាមកឬស្ទះពោះវៀន រួចក៏ច្រាល់ខ្យល់ឡើងមកលើដែលអាចឲ្យតឹងពោះនិងរកក្អួត

6. ការឈឺក្បាល៖ អ្នកខ្លះគាត់ឈឺក្បាលខ្លាំងរួមផ្សំមកជាមួយអាការៈចង់រកក្អួតឬក្អួត

7. ការពិសារស្រាច្រើន

រោគសញ្ញា៖

បើសិនជាអ្នកមានអាការៈចង់រកក្អួតនិងក្អួតលើសពី២ថ្ងៃឬមានរោគសញ្ញផ្សេងទៀតមកជាមួយដូចជា៖

• មានចុកទ្រូងឬ តឹងពោះ

• កំអួតមានឈាមឬពណ៍ស្រដៀងពណ៍កាហ្វេចាស់

• លាមកមានឈាមឬមានពណ៍ក្រម៉ៅ

• ក្តៅខ្លួន

• មានការឈឺក្បាលខ្លាំងឬមានការចុករោយនៅឆ្អឹងកងក

• មានអារម្មណ៍អស់កំលាំងឬមិនចង់ក្រោក

• មានសញ្ញនៃការបាត់បង់ជាតិទឹកនៅក្នុងខ្លួន( មានដូចជា៖ អស់កំលាំង, ស្រេកទឹកខ្លាំង,មានរមួលសាច់ដុំ,មានវិលមុខ,វង្វេងវង្វាន់,ទឹកនោមពណ៍លឿងខ្មៅ,មិននោមលើសពី៥ ម៉ោង)

ដំណោះស្រាយ៖

• ពិសារទឹកឲ្យបានគ្រប់គ្រាន់

• ព្យាយាមពិសារអាហារដែលមានជាតិទឹក,អាហាររាវ,ស៊ុប

• ជៀសវាងអាហារប្រភេទខ្លាញ់ខ្លាំង ពីព្រោះនឹងធ្វើឲ្យចង់ក្អួតកាន់តែខ្លាំង

• ជៀសវាងការប្រើរបស់ដែលមានក្លិនខ្លាំងដូចជាក្លិនទឹកអប់ណាមួយ

• ត្រូវលេបថ្នាំណាដែលតំរួវឲ្យលេបក្រោយបាយ ហាមលេបមុនបាយ ឬពោះទទេ

ការព្យាបាល៖

• ព្យាបាលទៅតាមមូលហេតុ

• ការព្យាបាលដោយប្រើថ្នាំទប់ក្អួតតាមរយះចាក់ឬលេប

ប្រភព​​ ៖​ https://sokhakrom.com